İrakli Kobaxidze – Milli Skrininq Mərkəzinin rəhbəri Rema Ğvamiçavanın vəfatı ilə bağlı kədərimi ifadə edirəm, onun vəfatı tibb ictimaiyyəti üçün ağır itkidir

Gürcüstanın Baş naziri İrakli Kobaxidze Gürcüstan Milli Skrininq Mərkəzinin rəhbəri, alim, professor Rema Ğvamiçavanın vəfatı ilə bağlı kədərini ifadə edir.

“Gürcüstan Milli Skrininq Mərkəzinin rəhbəri, alim, professor Rema Ğvamiçavanın vəfatı ilə bağlı kədərimi ifadə edirəm, onun vəfatı Gürcüstan tibb ictimaiyyəti üçün ağır itkidir. Gürcüstanda şüa təbabətinin tətbiqi və Milli Skrininq Mərkəzinin yaradılması məhz Rema Ğvamiçavanın adı ilə bağlıdır. Onun yetişdirdiyi çoxsaylı həkim nəsilləri üçün o, hər zaman peşəkarlığın, işinə sədaqətin və vicdanlılığın nümunəsi kimi xatırlanacaq. Ailəsinə, dostlarına və tibb ictimaiyyətinə başsağlığı verirəm”,- Baş nazir qeyd edir.