İrakli Kobaxidze – Mərkəzi Asiya ölkələri ilə əməkdaşlığın dərinləşdirilməsi xüsusi əhəmiyyət kəsb edir, Gürcüstan iqtisadi potensialın mənimsənilməsi baxımından daha çox irəli gedəcəkdir

Ümumilikdə Mərkəzi Asiya ölkələri ilə əməkdaşlığımızın dərinləşdirilməsi xüsusi əhəmiyyət kəsb edir, – bu barədə Gürcüstanın Baş naziri İrakli Kobaxidze Tacikistanda gürcü jurnalistlərə bildirib.

Hökumət başçısının qeyd etdiyi kimi, Gürcüstan 7 ölkəni Qara dənizlə və müvafiq olaraq Qərb məkanı ilə birləşdirir. Ticarət-iqtisadi baxımdan bu potensialdan maksimum dərəcədə istifadə etmək vacibdir.

“Bu baxımdan Tacikistanla əməkdaşlığımızı dərinləşdirmək də vacibdir. Həmçinin bilirsiniz ki, bu yaxınlarda Qırğızıstana səfər etdik, tezliklə Qazaxıstana səfər edəcəyik, iyul ayında Özbəkistan və Türkmənistan prezidentləri Gürcüstana gəlirlər, müvafiq olaraq, münasibətlərimizdə çox yaxşı dinamika var və bütün bunlar tranzit funksiyamızın inkişafına töhfə verəcək. Bilirsiniz ki, bütün bunlara — əlaqələndiriciliyin və tranzit funksiyasının gücləndirilməsinə böyük investisiyalar qoyulur, bununla yanaşı, qonşu ölkələrlə münasibətlərin inkişafına da böyük əhəmiyyət verilir, bilirsiniz ki, Azərbaycan, Ermənistan və Türkiyə ilə çox yaxşı münasibətlərimiz var, həm də Mərkəzi Asiya ölkələri ilə münasibətləri maksimum dərəcədə inkişaf etdiririk. Bu proseslər əsasında Gürcüstan öz iqtisadi potensialının mənimsənilməsi baxımından çox daha irəli gedəcəkdir. Bu, bizim ən mühüm prioritetlərimizdən biridir“, – deyə İrakli Kobaxidze bildirib.