Gürcüstan Prezidentinin məktubundakı patosu tam şəkildə bölüşürəm, mesajımız hər kəsə məlumdur, biz istəyirik ki, Gürcüstan və ABŞ arasında strateji tərəfdaşlıq konkret yol xəritəsi əsasında, təmiz səhifədən yenidən başlansın, – Baş nazir İrakli Kobaxidze jurnalistlərə bildirib.

Onun sözlərinə görə, əgər “dərin dövlət” güclənməzsə, Gürcüstan və ABŞ arasında münasibətlərin yenidən qurulmasına heç nə mane ola bilməz.

“Bizim üçün, eləcə də cəmiyyət üçün, müşahidə etdiyimiz bu müəyyən passivlik təəccüblüdür. Böyük arzumuz odur ki, bu passivlik aktiv mərhələyə keçsin və bu əsasda Gürcüstan ilə ABŞ arasında strateji tərəfdaşlığın yenilənməsi istiqamətində dialoqa başlayaq. Ümid edirik ki, strateji tərəfdaşlıq yenidən nəzərdən keçiriləcək. Əgər “dərin dövlət” güclənməzsə, düşünürəm ki, Gürcüstan və ABŞ arasında münasibətlərin yenidən başlanmasına heç nə mane ola bilməz”, – baş nazir bildirib.

Xatırladaq ki, Gürcüstan prezidenti Mixeil Ğavelaşvili bu gün ABŞ prezidenti Donald Trampa açıq məktubla müraciət edib.