9 May Faşizm üzərində Qələbə Günü münasibətilə hər kəsi təbrik edirəm və xüsusilə veteranlarımızı təbrik edirəm”, – bu barədə Gürcüstanın Baş naziri İrakli Kobaxidze faşizm üzərində qələbənin 81-ci ildönümü ilə əlaqədar İkinci Dünya müharibəsində həlak olanların xatirəsini yad etdiyi Veteranların Mədəniyyət və İstirahət Parkında jurnalistlərə bildirib.

Hökumət başçısının sözlərinə görə, 300.000 gürcü faşizmə qarşı mübarizədə özünü qurban verib, yüz minlərlə gürcü cəbhədə vuruşub və hər kəsin borcudur ki, hər bir qəhrəmanın xatirəsini ehtiramla yad etsin.

“Hər kəsi 9 May, Faşizm üzərində Qələbə Günü münasibətilə təbrik edirəm. Xüsusilə veteranlarımızı təbrik edirəm. Faşizmə qarşı mübarizədə 300.000 gürcü özünü qurban verdi, yüz minlərlə gürcü cəbhədə vuruşdu. Vətən uğrunda fədakarlığın və özünü qurban vermənin təcəssümü olan hər bir qəhrəmanın xatirəsini ehtiramla yad etmək bizim borcumuzdur. Bir daha hamını təbrik edirəm və bütün veteranlara, bütün qəhrəmanlara xidmətlərinə görə təşəkkür edirəm”, – Kobaxidze bildirib.