Avropalı həmkarlarla bütün, o cümlədən siyasi məsələlər haqqında danışacağıq və genişlənmə məsələsi mühüm məsələlərdən biri olacaq – bu haqda Gürcüstanın Baş naziri İrakli Kobaxidze Avropa Siyasi Birliyinin sammitindən əvvəl jurnalistlərə deyib.

Kobaxidze, Gürcüstanın əlaqələndiricilik baxımından Avropa üçün xüsusi rol oynaya biləcəyini bildirib.

“Bu gün Avropa Siyasi Birliyinin dördüncü sammitində iştirak edirəm. Bu mühüm tədbirdir. Əsas mövzulardan biri əlaqələndiricilikdir. Daha dəqiq desək, enerji əlaqələndiriciliyi və təbii ki, mən bu məsələdə Gürcüstanın rolunu necə gördüyümüzlə bağlı avropalı həmkarlarımızla mesajları paylaşacağam. Gürcüstan Avropa üçün xüsusi rol oynaya bilər, məhz bu baxımdan, əlaqələndiricilik baxımından və təbii ki, biz bunu avropalı həmkarlarla müzakirə edəcəyik.

Bizim bu gün də bir sıra layihələrimiz, o cümlədən tranzit funksiyamızın gücləndirilməsini, o cümlədən Orta Dəhliz təşəbbüsü çərçivəsində funksiyamızın inkişafını təmin edəcək bir sıra davam edən layihələrimiz var və bu, təbii ki, Avropa üçün olduqca maraqlı olacaq. Xüsusilə Qara dəniz regionu üçün olduqca maraqlı olacaq. Avropalı tərəfdaşlarla konkret layihələri də müzakirə edəcəyik. Bizim həmkarlarımızla ikitərəfli formatda danışmaq imkanımız da olacaq və bütün, o cümlədən siyasi məsələlər haqqında danışacağıq və genişlənmə məsələsi mühüm məsələlərdən biri olacaq”- deyə İrakli Kobaxidze bildirib.

Gürcüstanın Baş naziri İrakli Kobaxidze Avropa Siyasi Birliyinin sammitində iştirak edəcək. İrakli Kobaxidze Avropa Siyasi Birliyinin dördüncü sammitində xarici işlər naziri İlia Darçiaşvili və Hökumət Administrasiyasının rəhbəri Levan Jorjolianinin daxil olduğu nümayəndə heyəti ilə birlikdə iştirak edir.