Gürcü xalqına və Gürcüstana qarşı bu düşmənçilik aktının uğursuz olduğu barədə bəyanat verilib, Gürcüstan-Amerika münasibətlərinə gəlincə, biz bu münasibətlərə tamamilə açığıq, – bu barədə Gürcüstanın Baş naziri İrakli Kobaxidze jurnalistlərə bildirib.

Onun sözlərinə görə, Gürcüstan Amerika tərəfinin mövqeyini gözləyir.

“Biz bildiririk ki, strateji tərəfdaşlığın yenilənməsini, Bayden və onun administrasiyasının Trampın andiçmə mərasimindən bir qədər əvvəl ləğv etdiyi tərəfdaşlığın bərpasını istəyirik. Bu, bizim istəyimizdir; qalanı isə Tramp administrasiyasının qərarından asılıdır. Biz gözləmə rejimindəyik, bu münasibətlərə tamamilə açığıq. Amerika tərəfin mövqeyindən asılı olaraq müzakirələr keçiriləcək. Biz strateji tərəfdaşlığın ABŞ ilə yenilənməsinə tam hazırıq”, – Kobaxidze bildirib.

Məlumat üçün bildirək ki, Demokrat konqresmen Stiv Koen Helsinki Komissiyasında bildirib: “Təəssüf ki, Senat “MEGOBARİ Act”nı qəbul etmədi və qəbul etməyəcək, bəzi problemlər var idi və ola bilsin ki, bu, limanla bağlı olan böyük bir bizneslə əlaqədardır. “MEGOBARİ Act”nın qarşısını bir nəfər ala bildi.”