Maliyyə Nazirliyinin Gəlirlər Xidməti sanksiyaların tətbiqi sahəsində beynəlxalq tərəfdaşlarla daimi və operativ koordinasiyadadır. Gömrük İdarəmiz sanksiyalardan yayınmaq üçün Gürcüstan ərazisindən istifadənin tamamilə istisna edilməsi üçün ciddi nəzarət həyata keçirir, – bu barədə Gürcüstanın Baş naziri İrakli Kobaxidze Beynəlxalq Gömrük Gününə həsr olunmuş tədbirdə çıxışı zamanı bildirib.

Baş nazirin dediyinə görə, təkcə 2025-ci il ərzində Gömrük Departamenti gömrük əməliyyatından imtina etmək və malların mənşə ölkəsinə qaytarılması ilə bağlı 2658 qərar qəbul edib.

“Maliyyə Nazirliyinin Gəlirlər Xidməti sanksiyaların tətbiqi sahəsində beynəlxalq tərəfdaşlarla daimi və operativ koordinasiyadadır. Gömrük İdarəmiz sanksiyalardan yayınmaq üçün Gürcüstan ərazisindən istifadənin tamamilə istisna edilməsi üçün ciddi nəzarət həyata keçirir. Təkcə 2025-ci il ərzində Gömrük Departamenti gömrük əməliyyatından imtina etmək və malların mənşə ölkəsinə qaytarılması ilə bağlı 2658 qərar qəbul edib. Bu göstərici dövlətimizin qlobal təhlükəsizliyə qarşı məsuliyyətli münasibətini açıq şəkildə təsdiqləyir və bir daha Gürcüstanın etibarlı beynəlxalq tərəfdaş kimi nüfuzunu vurğulayır.

Gürcüstan hökuməti Gömrük Xidmətinə institusional dəstəyini davam etdirəcək, sizin ləyaqətli şəraitinizə və inkişafınıza qayğı göstərəcək, çünki sizin uğurunuz birbaşa ölkəmizin gücünü əks etdirir. Bir daha peşə gününüzü təbrik edir, vətənimizin rifahı üçün sülh və uğurlar arzulayıram”, – Baş nazir bildirib.