İrakli Kobaxidze - Düşünürük ki, bəzi qeyri-ciddi anonslara baxmayaraq, 4 oktyabr günü sakit keçəcək və ölkənin sakit və sabit inkişafı davam edəcək

12:36, 26.09.2025

Düşünürük ki, yerli özünüidarəetmə seçkiləri sakit keçəcək və 4 oktyabr günü, bəzi qeyri-ciddi anonslara baxmayaraq, sakit keçəcək və ölkənin sakit və sabit inkişafı davam edəcək”, – bu barədə Gürcüstanın Baş naziri İrakli Kobaxidze Gürcüstan Biznes Assosiasiyasının konfransında çıxışı zamanı bildirib.

Hökumət başçısının qeyd etdiyi kimi, biznesin sabit siyasi və iqtisadi mühitə malik olması üçün maksimum səy göstəriləcək.

“Bu gün ölkədə sakit vəziyyət hökm sürür. Qarşıda bizi yerli özünüidarəetmə seçkiləri gözləyir. Düşünürük ki, seçkilər sakit keçəcək və həmçinin 4 oktyabr günü, bəzi qeyri-ciddi anonslara baxmayaraq, sakit keçəcək və ölkənin sakit və sabit inkişafı davam edəcək.Təbii ki, həm hakimiyyət, həm də biznes üçün siyasi baxımdan sabitlik və əmin-amanlıq əsas əhəmiyyət kəsb edir. Biz bu məsələyə cavabdehik və biznes fəaliyyətinizi həyata keçirmək üçün sabit siyasi və iqtisadi mühitin təmin olunması naminə əlimizdən gələni edəcəyik.

Bizim üçün sizinlə məsləhətləşmələr aparmaq, sizinlə işləmək və sizinlə əməkdaşlıq etmək çox önəmlidir. Bu gün də bizə bunun üçün çox yaxşı bir imkan yaradır və gələcəkdə də əməkdaşlığa, məsləhətləşmələrə, sizin tövsiyələrinizi qəbul etməyə tamamilə açığıq. Bir daha sizə hörmətimizi və əməkdaşlığa hazır olduğumuzu təsdiqləyirik “, – deyə baş nazir bildirib.

Müəllif - Nino Pashayeva

Siyasət