İrakli Kobaxidze Dünya Hökumətlər Sammitində iştirak edəcək

15:00, 02.02.2026

Gürcüstanın Baş naziri İrakli Kobaxidze 3-5 fevral tarixlərində Birləşmiş Ərəb Əmirliklərinin Dubayda ev sahibliyi edəcəyi Dünya Hökumətlər Sammitində iştirak edəcək. Hökumət administrasiyasının mətbuat xidməti məlumat yayır.

Onların məlumatına görə, Gürcüstan hökumətinin başçısı 3 fevralda keçiriləcək Dünya Hökumətlər Sammitində çıxış edəcək. İrakli Kobaxidze həmçinin investisiyaların gələcəyi mövzusunda dəyirmi masa görüşündə iştirak edəcək. Səfər çərçivəsində ikitərəfli görüşlər planlaşdırılır.

Gürcüstanın Baş naziri Dubaya nümayəndə heyəti ilə birlikdə səfər edib. Nümayəndə heyətinə Baş nazirin müavini və müdafiə naziri İrakli Çikovani, Xarici işlər naziri Maka Boçorişvili, iqtisadiyyat və Dayanıqlı inkişaf naziri Mariam Kvrivişvili, Ədliyyə naziri Paata Salia, Təhsil, elm və gənclər naziri Givi Mikanadze və Hökumət administrasiyasının rəhbəri Levan Jorjoliani daxildir.

Müəllif - Nino Pashayeva

Siyasət