Dinc və ya qeyri-dinc devirmək deyə bir şey yoxdur, iş iki istiqamət üzrə başlanıb: həm hakimiyyətin devrilməsi, həm də rüşvət vəd edilməsi istiqamətində, qalanı, təbii ki, məhkəmənin işidir, – Bu barədə Gürcüstanın Baş naziri İrakli Kobaxidze, jurnalistin Levan Xabeişviliyə irəli sürülmüş ittihamla bağlı sualına cavab olaraq bildirib.

Hökumət başçısının sözlərinə görə, o, Xabeişvilini kimin “Anita” adlandırdığını, kimin ona əvvəlcə 3000, sonra isə 5000 lari ödədiyini bilir.

“Cəmiyyəti bu dilə alışdırıblar, həmişə söhbət radikalizmdən, devirməkdən, yandırmaqdan və s.-dən gedir. Bu günlər ərzində minlərlə bəyanat verildi. Burada da təcrübə 3-4 il əvvəlkindən fərqli olmalıdır. Gürcüstanda qanun bütün sərtliyi ilə işləməlidir, yalnız bu halda milli maraqlarımız tam şəkildə qorunacaq. Hər kəsə vəd edirəm ki, korrupsiya, mütəşəkkil cinayət və ya narkotik cinayətləri kimi digər sahələrdə qanunları sərtləşdirdiyimiz kimi, siyasi motivli cinayətlərə də çox sərt yanaşmamız olacaq. Qanunun icrası sahəsində bütün istiqamətlər üzrə əvvəlki dövrlərlə müqayisədə daha sərt yanaşmamız olacaq. Əlbəttə, bu, narkomanlara, “Milli hərəkata” və mütəşəkkil cinayətkarlara sərf etmir, amma cəmiyyətə sərf edir”, – İrakli Kobaxidze bildirib.