Biz Cənubi Qafqazda dialoq üçün neytral məkan təklif etməklə regional sabitliyə töhfə verməyə çalışaraq aydın sülhsevər siyasət istiqamətini rəhbər tuturuq”, – bu barədə Gürcüstanın Baş naziri İrakli Kobaxidze Türkmənistanda keçirilən “Sülh və Etibar: Dayanıqlı gələcək üçün məqsədlər birliyi” beynəlxalq forumunun plenar sessiyasında çıxışı zamanı bildirib.

Onun dediyinə görə, Gürcüstan qonşular arasında gərginliyin azaldılması və kommunikasiya kanallarının yaradılması məqsədi daşıyan müzakirələrə başlayıb.

“Biz sabit və əməkdaşlığa yönəlmiş regional mühitin təşviqinə sadiqliyimizi təsdiqləmək üçün müzakirələrə başladıq və onlara töhfə verdik. Gürcüstan Beynəlxalq Sülh və Etimad ilinin ideasını konkret və davamlı tərəqqiyə çevirmək üçün tərəfdaşlarla işləmək ideyasına tam sadiqdir. Biz inanırıq ki, dayanıqlı gələcək həm dialoq, həm də fəaliyyət tələb edir və ortaq məqsədlərimiz birgə səylərə əsaslanır. Biz birlikdə gələcək nəsillər üçün daha təhlükəsiz, sabit və dayanıqlı gələcək yarada bilərik”, – İrakli Kobaxidze bildirib.