Gürcüstanın Baş naziri İrakli Kobaxidze Gürcüstanda rəsmi səfərdə olan Azərbaycan Respublikasının daxili işlər naziri Vilayət Eyvazov ilə görüşüb.

Görüşdə iki ölkə arasında mövcud səmərəli əməkdaşlıq və strateji tərəfdaşlığın daha da dərinləşdirilməsi perspektivləri müzakirə olunub. Gürcüstan və Azərbaycanın hüquq-mühafizə orqanları arasında illər ərzində formalaşmış uğurlu ikitərəfli əməkdaşlıq vurğulanıb. Qeyd olunub ki, bu gün iki ölkənin daxili işlər nazirlikləri arasında imzalanmış əməkdaşlıq sazişi müvafiq qurumlar arasındakı tərəfdaşlığın daha da güclənməsinə töhfə verəcək, o cümlədən cinayətin profilaktikası, aşkar edilməsi və qarşısının alınması istiqamətində.

Həmçinin söhbət zamanı bölgədə sabitliyin və davamlı sülhün təmin edilməsinin vacibliyinə toxunulub.

Görüşdə daxili işlər naziri Qeka Qeladze, hökumət administrasiyasının rəhbəri Levan Jorjoliani, Gürcüstanın Azərbaycan Respublikasındakı fövqəladə və səlahiyyətli səfiri Zurab Pataradze və Azərbaycan Respublikasının Gürcüstandakı fövqəladə və səlahiyyətli səfiri Faiq Quliyev iştirak edirdilər.

Məlumatı Gürcüstanın baş nazirinin mətbuat xidməti yayır.