Müəyyən səfirlər, o cümlədən təəssüf ki, Avropa İttifaqının səfiri, birbaşa Gürcüstanda radikallaşmanın təhrik edilməsi ilə məşğuldurlar və bu ölkədə müəyyən insanların mənəvi pozulmasına səbəb olan proseslərdə birbaşa iştirak edirlər, – bu barədə Gürcüstanın Baş naziri İrakli Kobaxidze jurnalistlərə bildirib.

Onun söylədiyinə görə, Avropa İttifaqı səfiri bu cür proseslərdə birbaşa iştirak edəndə bu, çox təəssüf doğurur və Avropa İttifaqının Gürcüstandakı imicinə xələl gətirir.

“100 il əvvəl gürcü bolşeviklərinin necə olduğunu xatırlayırsınız və biz də belə proseslərlə məşğul oluruq və onlar Gürcüstanda belə insanlar yetişdirmək istəyirlər. Siz bilirsiniz ki, biz vaxtilə “şəffaflıq qanunu”nu qəbul etdik, bu qanun məhz belə proseslərə qarşıdır və əlbəttə, biz hər istiqamətdə ölkəmizi belə proseslərdən qoruyacağıq. Avropa İttifaqı səfiri bu cür proseslərdə birbaşa iştirak edəndə, bu çox təəssüf doğurur. Bütün bunlar Avropa İttifaqının Gürcüstandakı imicinə mənfi təsir göstərir. Bu, bizim hamımızın üzləşməli olduğu çox narahatedici hadisədir”, – baş nazir bildirib.