Milli kimliyimiz və Avropa inteqrasiyasına sadiqliyimiz möhkəmdir, lakin biz ləyaqətimizdən və suverenliyimizdən imtina etməyəcəyik, ikili standartlar qəbuledilməzdir və siyasi müsbət münasibətə görə kimliyimizi dəyişməyəcəyik”, – bu barədə Gürcüstanın Baş naziri İrakli Kobaxidze Budapestdə Mühafizəkarların Siyasi Fəaliyyət Konfransında (CPAC) çıxışı zamanı bildirib.

Kobaxidzenin bildirdiyinə görə, avropapərəst olmaq anti-gürcü olmaq demək deyil.

“Bu gün Qərb bir yol ayrıcındadır, təkcə siyasi Qərb deyil, həm də sivilizasiya Qərbi — xristian və demokratik dəyərlərə əsaslanan Qərb, biz buraya kimliyimizi və Allah tərəfindən verilmiş haqqımızı qorumaq, olduğumuz kimi qalmaq üçün toplaşmışıq.

Biz Qərblə mübahisə etmirik, çünki biz Qərbin, əsl Qərbin bir parçasıyıq. Dünyanı əhəmiyyətsiz hiss etdirməyə çalışan, özünü hər şeyin hakimi hesab edən “Dərin Dövlət” deyil, azadlıq, inanc, ailə dəyərlərinin Qərbi. Həqiqi, dəyərlərə əsaslanan Qərb, bizim Qərbimiz Macarıstan kimi ölkələrdə hələ də yaşayır. Bu, Avropada və ondan kənarda milyonlarla insanın qəlbində, vətənini sevməyin cinayət olduğunu eşitməkdən yorulan hər kəsin qəlbində yaşayır. Biz Avropa millətiyik”, – Kobaxidze bildirib.

Onun söylədiyinə görə, Gürcüstanın tarixi, mədəniyyəti və kimliyi hər cəhətdən avropalıdır.

“Tariximiz, mədəniyyətimiz, kimliyimiz hamısı avropalıdır, lakin Avropa bürokratiyası bizim suverenlik və demokratiya haqqımızı tanımalıdır, avropapərəst olmaq anti-Gürcüstan olmaq demək deyil.  Biz millətlərdən ibarət Avropaya inanırıq və öz güclü kimliyinə sahib olanlara və Macarıstanda və onun hüdudlarından kənarda da hələ də vətənpərvərliyi günah yox, şərəf hesab edənlərin yanında qürurla dayanırıq. Milli kimliyimiz və Avropa inteqrasiyasına sadiqliyimiz möhkəmdir, lakin biz ləyaqətimizdən və suverenliyimizdən imtina etməyəcəyik. ikili standartlar bizim üçün qəbuledilməzdir və siyasi müsbət münasibətə görə kimliyimizi dəyişməyəcəyik”, – deyə İrakli Kobaxidze bildirib.