Altı ildən çox yaşı olan avtomobillərin idxalı ilə bağlı yeni qaydalar tətbiq etdik və bu qərara müəyyən düzəlişlər etmək istəyirik. Xüsusilə, idxalı qadağan etmək əvəzinə, müvafiq avtomobillərə 4,5 lari gömrük rəsmiləşdirilməsi rüsumu tətbiq ediləcək, yəni aksiz rüsumu müvafiq məbləğlə müəyyən ediləcək, – bu barədə Gürcüstanın Baş naziri İrakli Kobaxidze bu gün keçirilən hökumət iclasında bildirib.

Baş nazirin dediyinə görə, altı ildən çox yaşı olan avtomobillərin idxalı üçün daha yüksək gömrük rüsumu tətbiq olunacaq.

“Aksiz vergisi müvafiq məbləğdə, hər kub üçün 4,5 lari müəyyən ediləcək. Müvafiq olaraq, idxala qoyulan qadağa artırılmış aksiz tarifi ilə əvəz olunacaq. Bu qərar ekologiyanın, ətraf mühitin qorunması və havanın təmizliyinin təmin edilməsi üçün çox vacibdir. Hökumətin qəbul etdiyi qərar məhz bu motivdən irəli gəlib. Biz qərara müəyyən düzəlişlər etdik və bu da müvafiq özəl subyektlərin, həmçinin vətəndaşlarımızın maraqlarına əsaslanırdı”, – Kobaxidze bildirib.