Britaniyanın iki aparıcı gürcü yayımçısına qarşı sanksiyaları bu kontekstdə də müzakirə etməliyik. Britaniya sanksiyalarının müzakirələri pozmağa yönəldiyini, şübhəsiz ki, yerli xarici agentlərin vahid “mesaj qutusu” ilə çıxış etmələri və sanksiyalardan müzakirələrdən yayınmaq üçün bəhanə kimi istifadə etmələrinə dair çoxsaylı açıqlamalar sübut edir, – bu barədə Gürcüstanın Baş naziri İrakli Kobaxidze sosial şəbəkədə yazır.

Onun bildirdiyinə görə, bu halda, 2007 və 2020-ci illərdən fərqli olaraq, media azadlığına müdaxilə rolunu Britaniya bürokratiyası öz üzərinə götürüb və bu, Nika Qvaramia – “yəni adi xarici agent” səviyyəsinə qədər endirilib.

“Məlum olur ki, 2007 və 2020-ci illərdən fərqli olaraq, bu halda media azadlığına qəsd etmək və müzakirələri pozmaq rolunu Nika Qvaramia deyil, birbaşa Britaniya bürokratiyası öz üzərinə götürüb. Bu bürokratiya mahiyyəti və məzmunu ilə Nika Qvaramia, yəni əxlaq və dəyərlərdən tamamilə məhrum olan adi bir xarici agent səviyyəsinə qədər endirilib.

Lakin 2007 və 2020-ci illərdəki vəziyyətdən fərqli olaraq, bu gün həm gürcü cəmiyyəti, həm də gürcü dövləti daha güclüdür və heç kimə Gürcüstanda media azadlığına və media plüralizminə müdaxilə etməyə imkan verilmir. Müvafiq olaraq, cəmiyyət gələcəkdə də müxtəlif məsələlər üzrə fərqli fikirləri dinləmək və öz ölkəsinin taleyi ilə bağlı məlumatlı qərarlar qəbul etmək üçün tam imkana malik olacaq”, – İrakli Kobaxidze yazır.