İndoneziyada 7,7 bal gücündə zəlzələ baş verib, azı 20 nəfər həlak olub

İndoneziyada güclü zəlzələ baş verib, ən azı 20 nəfər həyatını itirib. Bu barədə məlumatı „Reuters“ agentliyi yayır.

Medianın məlumatına görə, yerli vaxtla saat 06:00-da 7,7 bal gücündə zəlzələ baş verib.

Zəlzələ nəticəsində Flores adasında hökumət və yaşayış binaları, həmçinin məktəblər zədələnib. Regionların birindən 2 000-dən çox insan təxliyə edilib.

Zəlzələdən sonra yerli hakimiyyət orqanları sunami xəbərdarlığı ediblər, lakin bir neçə saata ləğv ediblər. Hadisə yerində axtarış-xilasetmə əməliyyatları hələ də davam edir.