“Archi” – “Archi” şirkəti Tbilisidə tərəfdaşları ilə birlikdə “Trump Tower” inşa edəcək, – bu barədə iş adamı, “Archi” şirkətinin təsisçisi İlia Tsulaia sosial şəbəkədə yazır.

“Trump Tower” Gürcüstanın daşınmaz əmlak sektorunu tamamilə fərqli bir səviyyəyə qaldıracaq!

“Archi” şirkətinin təsisçisi kimi bu tarixi hadisənin iştirakçısı olduğum üçün fəxr edirəm!”, – İlia Tsulaia yazır.

Xatırladaq ki, ABŞ prezidenti Donald Trampın ailəsinin daşınmaz əmlak şirkəti tərəfdaşları ilə birlikdə Tbilisidə yeni göydələn inşa edəcək.

“The Wall Street Journal” qəzetinin məlumatına görə, Tramp Təşkilatı yerli tərəfdaşlarla birlikdə Gürcüstanın paytaxtı Tbilisidə 70 mərtəbəli lüks yaşayış kompleksi – Trump Tower Tbilisi inşa etməyi planlaşdırır.