Xarici işlər naziri İlia Darçiaşvili Vaşinqtonda NATO-nun 75-ci yubiley sammiti çərçivəsində NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Xavier Kolomina ilə görüş keçirib.

Görüşdə 75 illik yubiley sammiti və onun çərçivəsində müzakirə olunacaq mühüm məsələlərə toxunulub. Qeyd olunub ki, Gürcüstan nümayəndə heyətinin sammitdə iştirakı Gürcüstanın NATO-ya inteqrasiyasının uğurlu prosesinin daha bir təsdiqidir.

Tərəflər Gürcüstanın Avro-Atlantik inteqrasiyası məsələsini müzakirə ediblər. Aspirant Gürcüstanın hər zaman alyansın etibarlı tərəfdaşı olduğu və Avro-Atlantik təhlükəsizliyin möhkəmlənməsinə mühüm töhfə verdiyi vurğulanıb.

Gürcüstanın Avro-Atlantik inteqrasiya yolunda irəliləyişi, o cümlədən ölkənin müdafiə imkanlarının gücləndirilməsi baxımından qeyd edilib. Bununla yanaşı, alyans tərəfindən həm praktiki, həm də siyasi dəstəyin vacibliyi vurğulanıb. Görüşdə regionda cərəyan edən proseslər, təhlükəsizlik mühiti, Rusiyanın Ukraynada müharibəsinə toxunulub.

Həmçinin qeyd olunub ki, böyük Qara dəniz regionunun təhlükəsizliyinin gücləndirilməsi Avro-Atlantik məkan üçün sülh və sabitliyin təminatı olacaq. Tərəflər birgə məqsədlərə nail olmaq üçün fəal əməkdaşlığı davam etdirmək barədə razılaşıblar.