Azərbaycan prezidenti İlham Əliyev və Ermənistanın baş naziri Nikol Paşinyan ABŞ prezidenti Donald Trampın vasitəçiliyi ilə Ağ Evdə birgə sülh bəyannaməsi imzalayıb.

Sənədlə tərəflər hərbi əməliyyatları daimi olaraq dayandırmağı, ticarəti, diplomatik münasibətləri, səyahətləri bərpa etməyi, bir-birinin suverenliyinə və ərazi bütövlüyünə hörmət etməyi öhdəsinə götürür.

Azərbaycan və Ermənistanın imzaladığı bəyannaməni ABŞ prezidenti Donald Tramp da imzalayıb.

Bundan başqa, ABŞ hər bir ölkə ilə enerji, texnologiyalar, iqtisadi əməkdaşlıq, sərhəd təhlükəsizliyi, süni intellekt, infrastruktur və ticarət sahələrində ikitərəfli saziş imzalayıb.

Razılaşmaya ABŞ-ın Cənubi Qafqazda strateji tranzit dəhlizini inkişaf etdirmək üçün eksklüziv hüququ da daxildir.