İlham Əliyev – Cənubi Qafqaz, Trans-Anadolu və Trans-Adriatik boru kəmərləri tam gücü ilə işləyirlər və bizə onları genişləndirmək lazımdır

Cənubi Qafqaz Boru Kəməri, Trans-Anadolu və Trans-Adriatik Boru Kəməri genişləndirilməlidir, – bu barədə Azərbaycan prezidenti İlham Əliyev bildirib.

Azərbaycan Prezidentinin dediyinə görə, Cənub Qaz Dəhlizi hazırda tam gücü ilə işləyir və Cənubi Qafqaz Boru Kəməri, Trans-Anadolu və Trans-Adriatik Boru Kəməri bu dəhlizin üç tərkib hissəsidir.

“Onlar tam gücü ilə işləyirlər və bizə onları genişləndirmək lazımdır. Burada mühüm məqama çatırıq. Biz dəfələrlə qeyd etdik ki, beynəlxalq maliyyə institutları, mineral ehtiyatlarla birbaşa bağlı layihələrin maliyyələşdirilməsini dayandırmaq qərarına gələn qurumlar bəlkə də bu siyasəti dayandırmalıdırlar”, – İlham Əliyev bildirib.