Zəngəzur dəhlizinin açılması ölkələr arasında birbaşa və fasiləsiz əlaqələrin qurulmasında mühüm rol oynayacaq, – bu barədə Azərbaycan prezidenti İlham Əliyev bildirib.

Azərbaycan Prezidentinin sözlərinə görə, bu layihənin həyata keçirilməsi nəticəsində yükdaşımaların həcminin artması regionun rəqabət qabiliyyətini xeyli artıracaq.

“Lakin nəqliyyat qovşaqlarımızın artan rolu onları dağıdıcı qüvvələrin hədəfinə çevirir. Nəqliyyat və kommunikasiya xətlərimiz beynəlxalq terrorizm, transmilli mütəşəkkil cinayətkarlıq, narkotik ticarəti, qaçaqmalçılıq və həmçinin kritik nəqliyyat infrastrukturu idarəetmə sistemlərini iflic etməyi hədəfləyən kiber təhlükələrlə üz-üzədir”, – İlham Əliyev qeyd edib.