Təəssüf ki, Ermənistanın Azərbaycan ərazisini işğal etməsi Cənubi Qafqazın az-çox inteqrasiya olunmuş regiona çevrilməsinə mane oldu. Bunu etmək üçün bizim bütün imkanlarımız var idi, lakin aqressiya, dağıntı, azərbaycanlı xalqın iztirabı bunun olmasına imkan vermədi, – bu barədə Azərbaycan Prezidenti İlham Əliyev bildirib.

Əliyevin dediyinə görə, Cənubi Qafqaz iqtisadiyyat, nəqliyyat dəhlizləri, enerji təhlükəsizliyi nöqteyi-nəzərdən inteqrasiya olunmayıb.

“Bu baş verə bilərdi. Azərbaycanla Gürcüstan arasındakı münasibətlərə nəzər salsaq, bayaq qeyd etdiyim bütün seqmentləri – enerji təhlükəsizliyi, nəqliyyat dəhlizləri, siyasi dialoq, investisiyalar, iqtisadi üstünlüyü görərik. Ermənistan bütün bunları öz əlindən aldı, işğal və təcavüz nəticəsində Azərbaycanın resursları və nəqliyyat marşrutları üçün mühüm tranzit ölkəyə çevrilmək imkanını əlindən aldı. Azərbaycandan neft, qaz və yüklərin bütün tranziti Gürcüstandan keçir, Ermənistanın bu prosesin bir hissəsi olmaq imkanı var idi. Bu onların günahıdır, gələcək inkişafı və iqtisadi gələcəyi səhv hesablayıblar, real müstəqilliyi “Böyük Ermənistan” arzusuna qurban veriblər. Sülh müqaviləsi imzalanandan həmən sonra Cənubi Qafqazın inteqrasiya olunmuş region olmağa çalışması üçün heç bir maneə olmayacaq. Bunun, Cənubi Qafqazın üç ölkəsi üçün müsbət nəticə olacağını düşünürəm. Realist olaq, təbii ki, Ermənistanla dərhal dost olacağımızı təsəvvür edə bilmərik, bu real deyil. İqtisadi inteqrasiyadan danışmaq hələ tezdir, lakin biz etimadı bərpa etmək üçün kiçik addımlar atmağa başlaya bilərik və biz buna hazırıq. Son zamanlar gürcü dostlarımız tərəfindən müəyyən təşəbbüslər oldu və biz müsbət cavab verdik. Beləliklə, biz Ermənistan tərəfinin mövqeyini gözləyirik və bu baş verərsə, jurnalistlərin, intelektual dairələrin nümayəndələrinin qarşılıqlı səfərləri kimi kiçik addımlara başlamaq mümkün olacaq, transsərhəd çaylar məsələsi üzrə birgə iclaslar mümkündür, çünki Ermənistan Araks çayını çirkləndirir və həmçinin, Azərbaycana gedən marşrutda Mtkvari çayının düzgün təmizlənməsi lazımdır. Bütün bunların praktiki nəticələri ola bilər və belə kiçik addımlarla biz inamsızlığı azaltmağa çalışa bilərik. İnam yaratmaq üçün illər lazımdır, lakin biz heç olmasa inamsızlığı azaltmağa hazırıq”, – İlham Əliyev bildirib.