İlham Əliyev – Avropalı müşahidəçilər özlərini elə aparırlar ki, sanki Ermənistanı bizdən qoruyurlar, buna ehtiyac yoxdur, biz istədiyimizə nail olmuşuq

İlham Əliyevin sözlərinə görə, Azərbaycanın məqsədi Ermənistanı məhv etmək və ya onun müstəqilliyini əlindən almaq olmayıb. Bu barədə Azərbaycan Prezidenti İlham Əliyev Zəngilan sakinləri ilə görüşündə bildirib.

“Bu gün Azərbaycan-Ermənistan sərhədində avropalı müşahidəçilər yenə də sanki keşik çəkirmiş kimi dayanıblar. Mən o zaman da deyirdim: əgər biz bircə dəfə atəş açsaq, yalnız onların dabanlarını görəcəyik və orada onlardan heç bir iz qalmayacaq, amma onlar sanki Ermənistanı bizdən qoruyurmuş kimi davranırlar.

Ermənistanın bizdən qorunmağa ehtiyacı yoxdur. Biz istədiyimizə nail olmuşuq”, – deyə dövlət başçısı qeyd edib.