İens Stoltenberq-Putinin qələbəsi Ukrayna üçün faciə və öz məqsədlərinə hərbi güclə nail ola biləcəklərini öyrənən avtoritar liderlər üçün təhlükəli siqnal olacaq

Əgər Putin Ukraynada qalib gələrsə, bu, Ukrayna üçün faciə, eləcə də hərbi gücdən istifadə etməklə öz məqsədlərinə nail ola biləcəklərini öyrənəcək bütün dünyada avtoritar liderlər üçün olduqca təhlükəli siqnal olacaq-bu barədə NATO-nun baş katibi İens Stoltenberq Tokioya səfəri zamanı açıqlayıb.

NATO-nun baş katibi və Yaponiyanın Baş naziri Rusiya və Çin arasında artan hərbi əməkdaşlığın İkinci Dünya Müharibəsindən bəri təhlükəsizlik sahəsində ən gərgin mühiti yaratması ilə bağlı razılaşırlar.

Bir gün əvvəl Cənubi Koreyaya səfəri zamanı Stoltenberq Çini NATO və Ukraynadakı müharibə ilə bağlı dezinformasiya yaymaqda ittiham edib, eləcə də Çinin Rusiya ilə birlikdə mövcud qaydalara əsaslanan dünya nizamını çağırışlar qarşısında qoyduğunu qeyd edib.