Hüquq-mühafizə orqanlarının əməkdaşları yetkinlik yaşına çatmayan övladlarının insan alveri ittihamı ilə bir nəfəri saxlayıblar

Daxili İşlər Nazirliyinin Mərkəzi Cinayət Polisi Departamentinin əməkdaşları, Baş Prokurorluqla birlikdə, yetkinlik yaşına çatmayanlara qarşı insan alveri ittihamı ilə bir nəfəri saxlayıblar. Məlumatı DİN yayır.

“İstintaqla müəyyən edilib ki, təqsirləndirilən kişi psixoloji və fiziki zorakılıq tətbiq etməklə yetkinlik yaşına çatmayan övladlarını Tbilisidə dilənməyə məcbur edirmiş, onların topladığı pulu isə özü mənimsəyirmiş.

Hüquq-mühafizə orqanlarının əməkdaşlarının keçirdikləri istintaq tədbirləri nəticəsində kişi şübhəli şəxs qismində saxlanılıb.

Hazırda zərərçəkmişlər Dövlət Qayğısı və İnsan Alveri Qurbanlarına, Zərərçəkənlərə Yardım Agentliyinin xidmət mərkəzinə yerləşdiriliblər, onların sağlamlığı üçün heç bir təhlükə yoxdur.

İstintaq Cinayət Məcəlləsinin 143² maddəsinin ikinci və üçüncü hissələri ilə aparılır, bu da 17 ilə qədər müddətə azadlıqdan məhrum etməni nəzərdə tutur”, – DİN-in məlumatında qeyd edilib.