Daxili İşlər Nazirliyinin Tbilisi Polis Departamentinin Yetkinlik Yaşına Çatmayanlarla İş üzrə Baş İdarəsinin əməkdaşları 1962-ci il təvəllüdlü N.K.-nı azyaşlıya qarşı zorakılıq tətbiq etməkdə ittiham edərək həbs ediblər. Bu barədə Daxili İşlər Nazirliyi məlumat yayır.

Qurumun məlumatına görə, cinayət 2 ilə qədər müddətə azadlıqdan məhrumetməni nəzərdə tutur.

“İstintaqla müəyyən edilib ki, Tbilisidə bir ailədə dayə kimi çalışan təqsirləndirilən şəxs 2024-cü ildə doğulmuş azyaşlıya qarşı fiziki zorakılıq edib. Hadisəni əks etdirən görüntülər azyaşlının ailəsində quraşdırılmış videokamera tərəfindən qeydə alınıb. Hüquq-mühafizə orqanları əməkdaşları dərhal reaksiya göstərərək, N.K.-nı təqsirləndirilən şəxs qismində saxlayıblar.

“İstintaq, azyaşlıya qarşı törədilmiş zorakılıq faktı üzrə Gürcüstan Cinayət Məcəlləsinin 126-cı maddəsinin birinci əlavə hissəsinin “a” yarımbəndi ilə aparılır”, – Daxili İşlər Nazirliyinin yaydığı məlumatda deyilib.