Telavinin şəhərin iqtisadi və turizm potensialını artıracaq məkan planlaşdırması üçün yeni baş planı olacaq.

Baş planın əsas istiqamətləri və konsepsiyası bu gün hökumət administrasiyasında keçirilən iclasda razılaşdırılıb.

Görüşdə Kaxeti bölgəsində dövlət nümayəndəsi baş planın əsas istiqamətləri barədə təqdimat keçirib. Plana bələdiyyənin davamlı inkişafı üçün xüsusilə vacib olan bütün prioritet istiqamətlər daxildir. Bunlara turizm infrastrukturunun təkmilləşdirilməsi, mədəniyyətin inkişafının təşviqi və şəhərin inzibati funksiyalarının və dövlət xidmətlərinin yenidən bölüşdürülməsi daxildir, bu da Telavinin həm yerli, həm də əcnəbi qonaqlar üçün cəlbediciliyini daha da artıracaq.

“Bütün bələdiyyələrin inkişafı baş planın təsdiqlənməsi ilə başlamalıdır. Telavinin turizm potensialının daha da inkişaf etdirilməsi, şəhərdəki mədəni həyatın, xüsusən gənclər, Gürcüstan vətəndaşları və əcnəbi qonaqlar üçün daha maraqlı və zəngin olması vacibdir”, – Gürcüstan hökuməti administrasiyasının rəhbəri Levan Jorjoliani bildirib.

Görüşdə hökumət və parlament üzvləri, Kaxeti bölgəsinin dövlət nümayəndəsi, müxtəlif qurumların və yerli hakimiyyət orqanlarının nümayəndələri iştirak edirdi.

Hökumət administrasiyası mməlumat yayır.