“Hizbullah” qruplaşmasının məlumatına görə, onlar Livanın cənubunda İsrail qüvvələrinə hücum ediblər

İranın dəstəklədiyi “Hizbullah” qruplaşması Cənubi Livanda İsrail qüvvələrinə hücum edib. Məlumatı qruplaşmanın özü yayır.

Onların məlumatına görə, “Hizbullah” üzvləri dronlardan istifadə edərək İsrailin zirehli texnikasına və əsgərlərinə hücum ediblər.

Bundan əvvəl isə İsrail Müdafiə Qüvvələri son bir gün ərzində “Hizbullah” ilə əlaqəli 70-dən çox obyektə zərbə endirdiklərini bəyan ediblər. Bundan əlavə, İsrail Müdafiə Qüvvələri Livanın cənub hissəsində yaşayan əhalini 20-dən çox yaşayış məntəqəsindən təxliyə olunmağa çağırıb. Bununla yanaşı, mediada yayılan məlumata görə, İsrailin zərbələri nəticəsində beş nəfər həlak olub.