Xarici İşlər Nazirliyi Rusiya Federasiyasını işğal olunmuş ərazilərin qanunsuz “müstəqillik” tanınması barədə qəbul etdiyi qərarı dəyişməyə, Gürcüstanın suverenliyi və ərazi bütövlüyünə hörmət göstərməyə, 2008-ci ilin 12 avqust atəşkəs sazişi üzrə götürdüyü öhdəlikləri yerinə yetirməyə, öz qüvvələrini Gürcüstan ərazisindən çıxarmağa və məcburi köçkün düşmüş şəxslərin və qaçqınların öz evlərinə qayıtmasına mane olmamağa çağırır, – – Bu barədə 2008-ci ilin avqust ayında Rusiyanın Gürcüstana qarşı həyata keçirdiyi hərbi aqressiyanın 17-ci ildönümü ilə əlaqədar Gürcüstan Xarici İşlər Nazirliyinin bəyanatında deyilib.

“2008-ci ilin avqustunda Rusiya tərəfindən Gürcüstana qarşı həyata keçirilmiş tammiqyaslı hərbi təcavüzdən 17 il keçir; nəticədə Gürcüstanın bölünməz bölgələri – Abxaziya və Tsxinvali regionu/Cənubi Osetiya işğal olunub.

17 ildən sonra belə Rusiya Avropa İttifaqının vasitəçiliyi ilə 2008-ci il 12 avqust tarixli atəşkəs razılaşmasını yerinə yetirməkdən və işğalçı qoşunlarını Gürcüstan ərazisindən çıxarmaqdan imtina edir; O, həmçinin beynəlxalq normaları pozaraq, Gürcüstanın bölünməz bölgələrinin Rusiyanın siyasi, iqtisadi, hərbi və sosial sistemlərinə inteqrasiyasına xidmət edən addımlar atmaqda davam edir. Bu məqsədlə son dövrlərdə həyata keçirilmiş çoxsaylı qanunsuz hərəkətlər xüsusilə narahatedicidir.

Bununla yanaşı, Rusiya beynəlxalq təşkilatların əraziyə maneəsiz çıxışına, beynəlxalq təhlükəsizlik mexanizmlərinin yerləşdirilməsinə mane olur, məcburi köçkün düşmüş şəxslərin və qaçqınların öz evlərinə qayıtmasının qarşısını alır.

Rusiya bu hərəkətləri ilə beynəlxalq hüququn fundamental normalarını pozur, bunu BeynəlxalqBu hərəkətləri ilə Rusiya beynəlxalq hüququn fundamental normalarını pozur və bu, 2021–2024-cü illərdə Beynəlxalq Cinayət Məhkəməsi və Avropa İnsan Haqları Məhkəməsi tərəfindən qəbul edilmiş bir sıra qərarlarla təsdiqlənir.

Gürcüstan diplomatik və hüquqi alətlərdən istifadə etməklə və beynəlxalq tərəfdaşlarla sıx əməkdaşlıq etməklə ölkənin işğaldan azad edilməsini, sülh yolu ilə yenidən birləşməsini və inkişafını təmin etmək üçün Rusiya-Gürcüstan münaqişəsinin sülh yolu ilə həlli siyasətini əzmlə davam etdirir. Gürcüstan hökuməti işğal xətti ilə bölünmüş cəmiyyətlər arasında barışıq və etimadın bərpasını təmin etmək üçün addımlar atır.

Gürcüstan, 2008-ci il 12 avqust tarixində Avropa İttifaqının vasitəçiliyi ilə əldə olunmuş atəşkəs sazişinin icrasını və məcburi köçkün düşmüş şəxslərin və qaçqınların geri qayıtması məsələlərinin həllini əsas məqsəd kimi müəyyən edən Cenevrə beynəlxalq danışıqlarında konstruktiv iştirakını davam etdirir. Qalidə Hadisələrin Qarşısının Alınması və Cavab Mexanizminin(IPRM) heç bir ilkin şərt olmadan bərpası və sözügedən mexanizmin Qali və Ergnetidə müntəzəm olaraq təməl prinsiplərə uyğun şəkildə keçirilməsi xüsusilə vacibdir.

Gürcüstan ölkənin suverenliyi və ərazi bütövlüyünə beynəlxalq ictimaiyyətin dəyişməz dəstəyini və Rusiya-Gürcüstan münaqişəsinin sülh yolu ilə həlli prosesində onların fəal iştirakını yüksək qiymətləndirir.

Xarici İşlər Nazirliyi Rusiya Federasiyasını işğal olunmuş ərazilərin qanunsuz “müstəqillik” tanınması barədə qəbul etdiyi qərarı dəyişməyə, Gürcüstanın suverenliyi və ərazi bütövlüyünə hörmət göstərməyə, 2008-ci ilin 12 avqust atəşkəs sazişi üzrə götürdüyü öhdəlikləri yerinə yetirməyə, öz qüvvələrini Gürcüstan ərazisindən çıxarmağa və məcburi köçkün düşmüş şəxslərin və qaçqınların öz evlərinə qayıtmasına mane olmamağa çağırır.

Xarici İşlər Nazirliyi 2008-ci il müharibəsində qəhrəmancasına həlak olan döyüşçülərin və mülki şəxslərin xatirəsini ehtiramla yad edir”, – Gürcüstan XİN-in bəyanatında deyilib.