YUNESKO-nun Baş Konfransı çərçivəsində Gürcüstanın xarici işlər naziri Maka Boçorişvili azərbaycanlı həmkarı Ceyhun Bayramov ilə görüşüb.

Gürcüstan Xarici İşlər Nazirliyinin məlumatına görə, görüşdə Gürcüstan və Azərbaycan arasında mövcud strateji tərəfdaşlıq və sıx əlaqələrin daha da inkişaf etdirilməsi imkanları müzakirə olunub.

Ölkələr arasında yüksək səviyyəli səfər mübadiləsinin dinamikası məmnunluqla qeyd olunub.

Gürcüstanla Azərbaycan arasında ticari-iqtisadi əməkdaşlıqda əldə olunan irəliləyişə xüsusi diqqət yetirilib.

Bölgədə gedən proseslərdən söhbət edərkən, Cənubi Qafqazda uzunmüddətli sülh və sabitliyin təmin edilməsinin əhəmiyyəti vurğulanıb. Qeyd olunub ki, sabitlik və təhlükəsizlik bölgədə iqtisadi inkişaf və rifah üçün ilkin şərtdir.

Tərəflər həmçinin Orta Dəhlizin inkişafı kontekstində iki ölkə arasında əməkdaşlığı müzakirə ediblər.

Gürcüstan və Azərbaycanın xarici işlər nazirləri bir-birinin suverenliyinə və ərazi bütövlüyünə hörmət etdiklərini təsdiqləyiblər və siyasi dialoq və əməkdaşlığı gücləndirməyə hazır olduqlarını bildiriblər.