Gürcüstanın cüdoçulardan ibarət yığması Paris Olimpiadasında çıxış etdikdən sonra vətənə qayıtdı.

Gürcü cüdoçuları Tbilisi Beynəlxalq Hava Limanında azarkeşlər, ailə üzvləri və veteran cüdoçular qarşıladılar. Əraziyə toplaşanlar yaxşı yarışdıqlarına və Gürcüstanı layiqincə təmsil etdiklərinə görə idmançılara təşəkkür etdilər.

Parisdə keçirilən 33-cü Yay Olimpiya Oyunlarında cüdoçular Gürcüstan nümayəndə heyətinə üç medal qazandırdılar. Laşa Bekauri Olimpiya çempionu oldu, gümüş medalları isə İlia Sulamanidze və Tato Qriqalaşvili qazandılar.

Tarixdə ilk dəfə olaraq Gürcüstanın qarışıq komandası da Olimpiya Oyunlarında yarışdı, lakin 1/8 finalda İtaliyaya 3:4 hesabı ilə məğlub oldu.