İspaniyada Gürcüstanın səfirliyi ölkədə olan Gürcüstan vətəndaşlarını meşə yanğınlarının artması ilə bağlı yerli hökumətin tövsiyələrini nəzərə almağa çağırır.

Səfirliyin yaydığı məlumatda deyildiyi kimi, İspaniya Daxili İşlər Nazirliyi yüksək hazırlıq səviyyəsi elan edib.

“İspaniya Krallığında, xüsusilə ölkənin bir sıra bölgələrində – o cümlədən Qalisiya, Kastiliya və Leon, həmçinin Ekstremadura bölgələrində meşə yanğınlarının aktivləşməsi ilə əlaqədar İspaniyanın Daxili İşlər Nazirliyi yüksək xəbərdarlıq səviyyəsi elan edib.

Xahiş edirik, son dərəcə ehtiyatlı olun, yanğın zonalarından uzaq durun, yerli hökumətin tövsiyələrini nəzərə alın və zərurət yarandıqda aşağıdakı qaynar xətt nömrələri ilə əlaqə saxlayın: Gürcüstanın səfirliyi: +34 691 387 221; İspaniyada təcili yardım: 112”, – deyə məlumatda deyilib.