Gürcüstanın əksər rayonlarında sabah yağış, qar və güclü külək gözlənilir

Gürcüstanın əksər rayonlarında sabah yağış, qar və güclü külək gözlənilir. Bu barədə məlumatı Ətraf Mühitin Agentliyi yayır.

Elə onların məlumatına görə, dənizdə 4-6 ballıq fırtına gözlənilir.

“25 fevralda Gürcüstanda (əsasən qərbi Gürcüstanda və şərqi Gürcüstanın qərbi rayonlarında) yağış, dağda və yüksək dağlıq yerlərdə qar, dənizdə 4-6 ballıq fırtına gözlənilir.

Vaxtaşırı qərb istiqamətli güclü külək əsəcək. Gözlənilən güclü yağışın qərbi Gürcüstanın çaylarında suyun səviyyəsinin artmasına səbəb olması mümkündür”, – Ətraf Mühit Agentliyinin məlumatında deyilir.