Gürcüstanın basketbol yığması iyulun 2-dən iyulun 7-si də daxil olmaqla olimpiadanın təsnifat turnirinin keçiriləcəyi Riqadadır. 6 ölkənin – Latviya, Gürcüstan, Filippin, Braziliya, Monteneqro, Kamerunun komandaları olimpiadaya bir vəsiqə uğrunda mübarizə aparacaq. Gürcüstan yığması ilk oyununu bu gün saat 20:00-da Latviya ilə keçirəcək. Qarşılaşmanın canlı reportajını Birinci Kanal İdman və Gürcüstan Radiosu sizə təqdim edəcək.

Gürcüstan yığması sözügedən turnir üçün hazırlığa iyunun 1-dən Tbilisidə başladı, İtaliyada davam etdi və Latviyada başa vurdu. Aleksandr Cikiçin baş məşqçisi olduğu komanda Latviyada, Riqadan 30 kilometr aralıda yerləşən Yurmala şəhərində hazırlığın son mərhələsini keçdi, iki məşq və eyni sayda sparrinq-matç keçirdi. Komandamız Kameruna 1 xalla məğlub oldu, Misirə isə 32 xalla qalib gəldi.

Komanda iyunun 30-dan Riqada hazırlaşır.

Latviyanın paytaxtına getdikdən sonra Cikiç olimpiadanın seçmə mərhələsində oynayacaq 12 nəfərlik tərkibi açıqlayıb.

Altı ölkənin yığması- Latviya, Gürcüstan, Filippin (hər üçü A qrupu), Braziliya, Monteneqro və Kamerun (B qrupu) – olimpiadaya bir vəsiqə uğrunda mübarizə aparacaq. Latviyadan başqa, Puerto-Riko, İspaniya və Yunanıstanda da analoji 6 komandalıq təsnifat turnirləri keçiriləcək və olimpiadaya bir vəsiqə oynanılacaq.

Yarışın formatına əsasən, hər bir lokasiyada mübarizə aparan 6 komanda 2 qrupa bölünüb və bir turdan sonra hər birindən 2-2 ən yaxşı komanda yarımfinala çıxacaq. Pley-offda komandalar çarpaz sistemlə cütləşəcək: A1 vs B2, B1 vs A2. Finalda qalib gələn komanda olimpiadaya vəsiqə qazanacaq.

Gürcüstan – Latviya – 2 iyul, 20:00

Gürcüstan – Filippin – 4 iyul, 16:30