Gürcüstanın Baş naziri İrakli Kobaxidze parlamentin sədri Şalva Papuaşvili, Tbilisi meri Kaxa Kaladze və Nazirlər Kabinetinin üzvləri ilə birlikdə yəhudi xalqını Hanukka bayramı münasibətilə təbrik edib.

Hökumət başçısı Tbilisi Sinaqoqunda çıxışı zamanı qeyd edib ki, Hanukka işığın qaranlıq, xeyirin şər üzərində qələbəsinin bayramıdır.

Baş nazir bu gün İsrailin üzləşdiyi çağırışlardan danışıb və dost yəhudi xalqına və İsrail dövlətinə dəstəyini ifadə edib.

“Hamımızın daha çox işığa, daha çox xeyirxahlığa ehtiyacımız var və mən bu xoşbəxt gündə sizə bütün bunları arzulamaq istəyirəm. Yəhudi xalqı bu gün çox çətin bir dövrdən keçir. Bu, emosional fon yaradır, hərçənd, yəhudi xalqını həmişə başqalarından xüsusi mənəvi güc seçirdi. Əminəm ki, bütün bunlar da müvəqqətidir və yəhudi xalqı və İsrail Dövləti bütün çağırışın öhdəsindən gələcək. Biz İsrail dövləti, yəhudi xalqı ilə həmrəyik və subyektivik. İsrail dövlətinə və yəhudi xalqına gəldikdə, gürcü xalqının, dövlətimizin dəstəyi həmişə İsrailə və dostumuz yəhudi xalqına yönəlik olacaq. Bunu, ilk növbədə, xalqlarımızı birləşdirən və 26 əsirdir davam edən çoxəsrlik dostluq şərtləndirir. Bu tarixi dostluq bizim üzərimizə xüsusi məsuliyyət yükləyir ki, gələcəkdə də bu dostluğun mümkün qədər möhkəmlənməsinin qayğısına qalaq. Sizi bir daha Hanukka bayramı münasibətilə təbrik etmək istəyirəm və 2025-ci ildə hər şeyin ən yaxşısını arzulamaq istəyirəm”, – deyə baş nazir bildirib.

Hökumət başçısı Tbilisi Sinaqoqunun baş ravvini ilə birlikdə rəmzi olaraq Hanukkanın ilk şamını yandırıb.