Gürcüstanın Baş Naziri İrakli Kobaxidzenin Türkmənistana rəsmi səfəri başa çatıb.

Gürcüstan hökumətinin başçısını Aşqabad Beynəlxalq Hava Limanında Türkmənistan Nazirlər Kabineti sədrinin müavini Nokerquli Ataquliyev yola salıb. Baş nazir media ilə rəsmi səfəri yekunlaşdırıb.

İrakli Kobaxidzenin qeyd etdiyi kimi, Gürcüstanın əsas vəzifələrindən biri Orta Dəhliz çərçivəsində öz rolunu inkişaf etdirməkdir və bu baxımdan Türkmənistanla əməkdaşlıq xüsusi əhəmiyyət verilir.

“Türkmənistan bizim üçün çox vacib ölkədir, onunla sıx və müsbət siyasi əməkdaşlığımız var. Biz iqtisadi əməkdaşlıqdan danışdıq və bu baxımdan əlaqələrin inkişafı üçün geniş mekan var. Gürcüstanın əsas vəzifələrindən biri Orta Dəhliz çərçivəsində öz rolunu inkişaf etdirməkdir və bu baxımdan Türkmənistanla əməkdaşlıq xüsusi əhəmiyyət verilir. Biz iqtisadi əməkdaşlığın inkişafı ilə bağlı çox konkret məsələlərdən danışdıq. Nazirlər həmçinin konkret məsələlər üzrə danışıblar və bir sıra mühüm saziş imzalayıblar. Düşünürük ki, bu səfər həm siyasi, həm də iqtisadi sahədə əməkdaşlığın inkişafına töhfə verəcək. İqtisadi əməkdaşlığın inkişaf etdirilməsi potensialı çox böyükdür və biz buna xüsusi diqqət yetirəcəyik”, – baş nazir bildirib.

Məlumatı Gürcüstan hökumətinin administrasiyası yayır.