Gürcüstanın ağır atletika yığması Moldovada keçirilən Avropa çempionatında doqquz medalla komanda hesabında ikinci yeri tutdu.

Turnirin ilk medallarını Gürcüstana 55 kq çəki dərəcəsində mübarizə aparan Ramin Şamilişvili gətirdi – o, birdəfəyə qaldırma hərəkətində və iki hərəkətin cəmi üzrə iki bürünc medal qazandı. Daha sonra Qoderdzi Berdelidze (61 kq) uğurla çıxış edərək Gürcüstanın hesabına bir bürünc və iki gümüş medal əlavə etdi.

Yığmanın liderlərindən biri Revaz Davitadze (96 kq) üç gümüş medal götürdü. Çempionatın yekun gününə gəlincə, Bakar Turmanidze (+109 kq) da bürünc medal qazanıb.

Mükafatlandırma mərasimində Gürcüstan Milli Ağır Atletika Federasiyasının prezidenti Laşa Talaxadzeyə Avropa Federasiyasının bayrağı təqdim olunub, bu da Gürcüstanın 2026-cı il Avropa Çempionatına ev sahibliyi edəcəyi mənasına gəlir.