Gürcüstanın Xarici İşlər Nazirliyində Avropa İttifaqının nümayəndə heyətinin üzvü Saymon Vanderbrukun Gürcüstana daxil olması ilə bağlı anlaşılmazlıq olduğunu bildirirlər.

Xarici İşlər Nazirliyinin izah etdiyi kimi, onlar Avropa İttifaqı tərəfi ilə əlaqə saxlayıblar və məsələ həll olunub.

“Texniki anlaşılmazlıq olub. Bu barədə Avropa İttifaqı tərəfi ilə əlaqə saxladıq, onlar izah etdilər və məsələ həll olundu”, – nazirlikdə bildirirlər.

Bundan əvvəl Avropa İttifaqının Gürcüstandakı nümayəndəliyi təsdiqləmişdi ki, mayın 21-də Avropa İttifaqı nümayəndə heyətinin üzvü Saymon Vanderbruka Tbilisi hava limanına giriş icazəsi verilmədi. Onların bildirdiklərinə görə, məsələ ilə bağlı Xarici İşlər Nazirliyinə nota göndərilib və Gürcüstan hakimiyyəti sözlü üzr istəyib.