Gürcüstan Sərhəd Polisi İnterpol tərəfindən "qırmızı bülleten"lə axtarışda olan bir şəxsi saxlayıb

12:01, 23.01.2026

Gürcüstan Daxili İşlər Nazirliyinin Sərhəd Polisi Batumidə aparılan əməliyyat-axtarış tədbirləri nəticəsində xüsusilə ağır cinayət — adam öldürmə faktına görə Türkiyə hüquq-mühafizə orqanları tərəfindən qırmızı bülletenlə beynəlxalq səviyyədə axtarışda olan, 1974-cü il təvəllüdlü Türkiyə Respublikası vətəndaşı A.Q.-nı saxlayıb. Sərhəd Polisi məlumat yayır.

“Saxlanılan A.Q. 2021-ci ildə beynəlxalq axtarış elan edilməmişdən əvvəl Gürcüstanın dövlət sərhədini qanunsuz olaraq keçib və bu səbəbdən o, Gürcüstanın Cinayət Məcəlləsinin 344-cü maddəsi ilə məhkum edilib.

Hazırda saxlanılan şəxsə qarşı qanunla nəzərdə tutulmuş ekstradisiya prosedurları davam edir”, – məlumatda qeyd edilib.

Müəllif - Nino Pashayeva

Hüquq