Gürcüstan milli komandası sentyabrda dünya çempionatının seçmə mərhələsində iki ev oyunu keçirəcək – 4 sentyabrda “Xaçlılar” Türkiyəyə ev sahibliyi edəcəklər, 7 sentyabrda isə Bolqarıstana. Hər iki oyun “Dinamo Arena”da keçiriləcək. Biletlərin satışı 4 avqust saat 12:00-da başlayacaq və yalnız biletebi.ge saytında onlayn rejimdə satılacaq – məlumatı Gürcüstan Futbol Federasiyasının mətbuat xidməti yayır.

Gürcüstan–Türkiyə matçına biletlərin satışı avqustun 4-də, Gürcüstan–Bolqarıstan oyununa isə avqustun 7-də başlayacaq. Hər iki oyun üçün dörd kateqoriyalı bilet təqdim olunacaq və onların qiymətləri müvafiq olaraq 20, 40, 70 və 100 lari təşkil edəcək. Hər bir oyun üzrə bir istifadəçi maksimum üç bilet əldə edə biləcək. 

Təhlükəsizlik tədbirləri nəzərə alınaraq, qonaq komandanın azarkeşləri üçün ayrılmış birinci mərtəbənin 9-cu və 10-cu sektorunda gürcü azarkeşləri üçün bilet satışı həyata keçirilməyəcək.