Gürcüstan milli reqbi komandası Avropa Reqbi Çempionatının ikinci tur matçını Amsterdamda Niderlanda qarşı keçirdi və rəqibini bonus xalla, 61:12 hesabı ilə məğlub etdi.

Niderland – Gürcüstan 12:61

Niderland

Lelo: Verplanke, Swier

Transfer: Meyer

Gürcüstan

Lelo: Aprasidze (2), İvanişvili, Matkava (2), Mstoiani, Çumbadze, Metreveli, Şvelidze

Transfer: Matkava (8)

Gürcüstan millisi ilk hissədə dörd qol vurmağı və bir bonus xalı qazanmağı bacardı – Aprasidze və İvanişvili hərəyə bir qol vurdu, Matkava isə dubl etdi (o, bütün konversiyaları dəqiq vurdu) və “Borcğalosnebi” ilk hissəni 28:5 hesabı ilə qazandı.

İkinci hissədə Niderland ikinci qol vuraraq fərqi azaltdı, lakin bir neçə dəqiqəyə Aprasidze ikinci qol vuraraq dubl etdi, daha sonra əvəzedici heyətdə meydana çıxan Mamuka Mstoiani “Borcğalosnebi”nin heyətində ilk matçda debüt qolunu vurdu.

Matçın sonlarına yaxın millidə xalların hesabını Baçuki Çumbadze də açdı, Otar Metreveli isə ardıcıl ikinci milli oyununda qol vurmağı bacardı. Son nöqtəni Qiorqi Şvelidze qoydu və Gürcüstan millisi növbəti qələbəsini qazandı.

Gürcü reqbiçiləri qrup mərhələsinin yekun oyununu 21 fevralda Tbilisidə, “Avçala” stadionunda İspaniya komandasına qarşı keçirəcəklər – qarşılaşma saat 16:00-da başlayacaq.

Yarımfinallar 7-8 martda keçiriləcək. Final qarşılaşmaları isə 15 martda Madriddə keçiriləcək.