Bu seçkiləri yerli seçkilər kimi təqdim etmək cinayətdir, bu, de-fakto seçkilərdə mübarizədir; de-fakto hakimiyyətə qarşı de-fakto seçkilərdə mübarizə elan etmişik, – bu barədə “Lelo” partiyasının baş katibi İrakli Kupradze brifinqdə bildirib.

Onun dediyinə görə, bu gün “Güclü Gürcüstan” koalisiyası öz bəyanatını təqdim edir və rəsmi və açıq şəkildə Gürcüstanın hər bir vətəndaşı üçün mübarizəyə başlayır.

“Çoxhəftəlik danışıqlar cəhdləri, ünsiyyət və ümid şəraitində biz bu qərarı təxirə saldıq. “Güclü Gürcüstan”ın öz yolu var və heç kim bizi bu yoldan döndərə bilməz, xüsusilə İvanişvilinin oyuncaq prezidenti. 

Bu yol hər mümkün sahədə kompromissiz mübarizə yoludur. Bu gün “Güclü Gürcüstan” koalisiyası bəyanatla çıxış edir. Rəsmi və açıq şəkildə Gürcüstanın hər bir vətəndaşı üçün mübarizəyə başlayır. Biz Rusiya rejimi ilə mübarizəyə giririk. Biz başqa cəbhədə də döyüşməyi seçirik. Bu seçkiləri yerli seçkilər kimi təqdim etmək cinayətdir. Bu, de-fakto seçkilərdə mübarizədir. De-fakto hakimiyyətə qarşı de-fakto seçkilərdə mübarizə elan etmişik, mübarizə sonadək davam edəcək və bu mübarizə qələbəyə qədər davam edəcək”, – İrakli Kupradze bildirib.