GUAM-ın baş katibi Altay Əfəndiyev təşkilat adından Xarici İşlər naziri Maka Boçorişviliyə Gürcüstanın Katolikos-Patriarxı İkinci İlianın vəfatı ilə bağlı başsağlığı məktubu göndərib.

“GUAM Demokratiya və İqtisadi Əməkdaşlıq Təşkilatının Daimi Beynəlxalq Katibliyi adından, həzrətləri və ümumi Gürcüstanın Katolikos-Patriarxı, Mtsxeta-Tbilisi arxiyepiskopu, Bicvinta və Tsxum-Abxaziya mitropolitinın vəfatı ilə əlaqədar Gürcüstan xalqına, hakimiyyət orqanlarına və Apostol Avtokefal Ortodoks Kilsəsinə başsağlığı vermək istəyirəm.

Uzun illər ərzində onun şübhəsiz mənəvi nüfuzu və mənəvi dəyərlərin müdafiəsində sarsılmaz mövqeyi cəmiyyətin birləşməsi, milli ənənələrin qorunması və gürcü kimliyinin saxlanması üçün əvəzsiz olmuşdur; eyni zamanda, bir çox çağırışlar fonunda onun rolu xalqın birləşməsində və dövlətçiliyin möhkəmləndirilməsində böyük olmuşdur. O, müxtəlif millətlər, mədəniyyətlər və inanclar arasında sülhün, tolerantlığın və qarşılıqlı hörmətin sadiq tərəfdarı kimi xatırlanacaq.

Belə nüfuza və əhəmiyyətə malik dini və ictimai xadimin vəfatı həmişə böyük itki olur, təkcə xalq üçün deyil, bütün region üçün də.

Bu çətin milli matəm günlərində gürcü xalqına dərin hüznlə başsağlığı verir, həmrəyliyimizi bildiririk və bu böyük itkini aşmaq üçün millətə güc və mənəvi cəsarət arzulayırıq. Ruhu şad olsun”, – başsağlığı məktubunda deyilib.