Gürcüstanın təhsil, elm və gənclər naziri Qivi Mikanadze Laqodexi və Ğvareli bələdiyyələrindəki ictimai məktəblərinin şagirdlərinin valideynləri ilə görüş keçirib.

Təhsil Nazirliyinin məlumatına görə, nazir görüş iştirakçılarını ümumi və ali təhsil islahatının əsas konsepsiyası və onun çərçivəsində həyata keçiriləcək təşəbbüslərlə tanış etdi.

“Nazirin qeyd etdiyi kimi, Nazirlik valideynlərin təhsil prosesində iştirakını artırmaq üçün fəal şəkildə çalışır, çünki məktəb və ailə arasında sıx əməkdaşlıq şagirdin inkişafına və akademik göstəricilərinə müsbət təsir göstərir. Onun sözlərinə görə, bu cür görüşlər valideynlərin fikirlərinin və mövqelərinin məktəb islahatı prosesində nəzərə alınması üçün vacibdir.

Görüş sual-cavab rejimində davam etdi. Görüş iştirakçıları nazirin onlar üçün vacib olan məsələlərlə bağlı ətraflı cavablarını eşitmək imkanı əldə etdilər.

Valideynlərlə görüşdə həmçinin Telavi, Axmeta, Ğvareli və Laqodexi nümayəndəsi İrakli Kadaqişvili, “Xalqın Gücü”nün icraçı katibi Quram Maçaraşvili, Laqodexi meri Condo Mdivnişvili və yerli özünüidarəetmənin digər nümayəndələri iştirak edirdi”, – deyə nazirliyin məlumatında deyilib.