Gürcüstanın Təhsil, Elm və Gənclər Naziri Qivi Mikanadze ABŞ-ın təhsil üzrə dövlət katibinin müavini Nikolas Kentlə görüş keçirib və tərəflər iki ölkə arasında əməkdaşlığın genişləndirilməsi imkanlarını müzakirə ediblər.

Nazir Gürcüstanın təhsil sistemində davam edən islahatlar barədə danışıb və bu prosesdə ABŞ təcrübəsinin paylaşılmasının vacibliyini vurğulayıb.

Qivi Mikanadze Nikolas Kentə uzun illər göstərdiyi dəstəyə, eləcə də təhsil və elmin inkişafına verdiyi töhfələrə görə təşəkkür edib və bunun Gürcüstan üçün xüsusilə vacib olduğunu bildirib. Nazir Nikolas Kentsin müxtəlif təhsil layihələrinin həyata keçirilməsində iştirakının əhəmiyyətini vurğulayıb.

Tərəflər “San Dieqo Dövlət Universiteti – Gürcüstan” layihəsini ABŞ və Gürcüstan arasında uğurlu əməkdaşlığın parlaq nümunəsi kimi müzakirə ediblər. Bununla yanaşı, ABŞ hökumətinin dəstəyi ilə həyata keçirilən mübadilə proqramları, o cümlədən Fulbright proqramı da nəzərdən keçirilib.

Görüşün sonunda tərəflər əməkdaşlığı dərinləşdirməyə hazır olduqlarını bir daha təsdiqləyiblər.

Vaşinqtonda keçirilən görüşdə Gürcüstanın ABŞ-dakı səfiri Tamar Taliaşvili iştirak edib.

Təhsil, Elm və Gənclər Nazirliyi məlumat yayır.