4 oktyabrın məsuliyyətsiz təxribatının təşkilatçıları ilə bizim heç bir işimiz yoxdur və heç vaxt da olmayacaq, – bu barədə “Qaxaria-Gürcüstan naminə” partiyasının üzvü, deputat Qiorqi Şaraşidze bildirib.

Onun sözlərinə görə, Gürcüstanın Müstəqillik Günündən siyasi məqsədlər üçün istifadə edilməməlidir.

“4 oktyabrın məsuliyyətsiz təxribatının təşkilatçıları ilə bizim heç bir işimiz yoxdur və heç vaxt da olmayacaq. 4 oktyabrda baş verənlər tamamilə məsuliyyətsiz bir təxribat idi ki, bu da güclənmək əvəzinə müxalifət hərəkatını zəiflətdi və “Gürcü Arzusu”nu gücləndirdi. Bizim üçün 26 may Gürcüstanın müstəqillik günü, birlik günüdür və gürcü xalqının birliyinə hər hansı bir qarşıdurma yaratmaq cəhdi qəbuledilməzdir. Hər kəsə Gürcüstanın Müstəqillik Günü kimi dəyərli bir bayramdan öz siyasi məqsədləri üçün istifadə etməməyi məsləhət görürəm. İstənilən başqa günü seçsinlər və öz tərəfdarları ilə birlikdə nə istəyirlərsə, onu etsinlər”, – Şaraşidze bildirib.