Bazar günü, axşam saat 20:00-da hamımız çıxaq, bu, hamımızın bir yerdə çıxmalı olduğumuz gündür – partiya üzvləri, fəallar, valideynlər, QHT-lər, hər gün etiraz etməyə gələ bilməyən və gəlməyən ayrı-ayrı insanlar, – bu barədə Gürcüstanın sabiq prezidenti Salome Zurabişvili keçirdiyi brifinqdə bildirib.

Onun dediyinə görə, aksiyada birliyin nə qədər güclü olduğu, cəmiyyətin nə qədər güclü olduğu, müqavimətin nə qədər güclü olduğu göstəriləcək.

“Bu həftə yəqin ki, hər kəs üçün çox ağır həftə kimi qəbul olunub. Bir həftə ərzində bu qədər siyasi məhbus yalnız Gürcüstanda deyil, çox az ölkədə yadda qalır. Amma bu, dayanmaq üçün səbəb deyil, çünki əksinə, baş verənlər göstərir ki, biz daha güclüyük. Platforma liderlərinin hamısının həbsdə olması onların müqavimətin birliyindən nə qədər narahat olduğunu göstərir. Baş verənlərə cavab daha bir addım irəlidir və bir addım irəli, bir addım birlikdə olmaq, hamımızın bir yerdə dayanması deməkdir. Bizə bazar günü saat 20:00-da bunu etmək fürsəti verilir və bu gün Gürcüstanda baş verənləri izləyən, ölkənin hara aparıldığını anlayan və ya hiss edən hər kəs – partiya üzvləri, fəallar, valideynlər, QHT-lər və hər gün etiraz aksiyalarına gələ bilməyən, gəlməyən ayrı-ayrı insanlar birlikdə çıxmalıyıq. Mən orada olacam, siz də orada olacaqsınız və biz Gürcüstanın birliyinin nə qədər güclü olduğunu, bu cəmiyyətin nə qədər güclü olduğunu, müqavimətin nə qədər güclü olduğunu göstərəcəyik. Bu, layiqli gələcəyimiz üçün yeganə layiqli cavabdır”, – Salome Zurabişvili bildirib.