31 may Polis Günüdür, bu çox mühüm tarix münasibətilə polis formasını layiqincə daşıyan, bu qürurverici peşəyə və polis andına sona qədər sadiq qalan bütün polisləri təbrik edirəm, – bu barədə Gürcüstan Dövlət Təhlükəsizlik Xidmətinin rəisi Qeka Qeladzenin məktubunda deyilib.

Onun sözlərinə görə, güclü polis güclü və təhlükəsiz dövlət deməkdir.

“Keçmiş daxili işlər naziri kimi, hər gün necə çətin və məsuliyyətli bir işlə məşğul olduğunuzu yaxşı anlayıram; əməyinizin dəyərini və ölkəmizin, eləcə də cəmiyyətimizin təhlükəsizliyi naminə çox vaxt böyük risklər bahasına gördüyünüz işi dəqiq bilirəm. Güclü polis güclü və təhlükəsiz dövlət deməkdir; Polis, gündəlik fədakar əməyi ilə Gürcüstana xidmət edən peşəkar zabitlərə sahib olduqda güclü və uğurlu olur. Həmişə mübarizənin ön cəbhəsində dayanan bütün layiqli polislərə təşəkkür edirəm. Cəsarətinizə, əməyinizə və vətənə xidmətinizə görə sizə təşəkkür edirəm. Bir daha hər kəsi Gürcü Polisi və polis əməkdaşlarının peşə günü münasibətilə təbrik edirəm. Sizə vahid, güclü və uğurlu Gürcüstanda yaşamağı arzulayıram”, – deyə məktubda deyilib.