Fridrix Merts – ABŞ-da bəziləri Ukrayna müharibəsinin mümkün həllindən iqtisadi fayda əldə etmək istəyir, donmuş Rusiya aktivlərini Rusiya deyil, Ukrayna almalıdır

Almaniya kansleri Fridrix Mertsin bildirdiyinə görə, dondurulmuş Rusiya aktivlərini ABŞ deyil, Ukrayna almalıdır.

“Deutsche Welle”nin yazdığına görə, Almaniya kansleri Rusiyanın dondurulmuş aktivlərinin ABŞ-a köçürülməsi ideyasına qarşıdır. Medianın məlumatına görə, bu ideya ABŞ prezidenti Donald Trampın apardığı sülh danışıqları çərçivəsində müzakirə edilib.

“Bu pul Ukraynaya köçürülməlidir”, – Fridrix Merts deyib.

Onun dediyinə görə, yaxın iki-üç il ərzində qış mövsümündən çıxmaq üçün Ukraynanın köməyə və maliyyə dəstəyinə ehtiyacı olacaq.

“Bunun üçün bizə vəsait lazımdır. Bu, Avropanın daxili məsələsidir. Mən bu vəsaitləri ABŞ-a köçürmək üçün heç bir iqtisadi imkan görmürəm və Amerika hökuməti bunu bilir”, – Fridrix Merts qeyd edib.

Onun dediyinə görə, ABŞ-da bəziləri Rusiyanın Ukraynaya qarşı müharibəsinin mümkün həllindən “müəyyən iqtisadi fayda əldə etmək” istəyir.

“Bu, qanunidir, lakin yaxın günlərdə Avropada birlikdə başlayacağımız əməliyyatın məqsədi bu deyil”, – Almaniya kansleri qeyd edib.